JEEP GRAND CHEROKEE SAHİBLƏRİNİN NƏZƏRİNƏ!

Jeep Grand Cherokee modellərinə istehsalçı tərəfindən geri çağırış elan olunub. Geri çağırış çərçivəsində 2012–2014-cü il istehsallı benzin mühərrikli modellərdə dinamonun dəyişdirilməsi, əyləc vakuumunun yoxlanılması və ya dəyişdirilməsi, yanğınsöndürən balonun avtomobildə mövcuddursa yenisi ilə əvəz olunması, mövcud deyilsə təmin edilməsi və digər müvafiq işlər, 2012–2016-cı il istehsallı dizel mühərrikli modellər üçün isə 6 ədəd yanacaq farsunkasının, yüksək təzyiqli yanacaq nasosunun, yanacaq filtrinin və yanacaq borularının dəyişdirilməsi və s. işlər daxil olmaqla bütün proses tam ödənişsizdir. Avtomobilinizin siyahıda olub-olmadığını öyrənmək üçün BAN nömrəsinin servis tərəfindən təsdiqlənməsi kifayətdir. Servisə gəlməzdən öncə qeydiyyat üçün 983 nömrəsinə müraciət edin.